41. Адырсу Батыш контрфорсу боюнча (В. Вяльцевдин айкалышкан маршруту, ЗА к/тр, сүр. 5, 6). «Уллутау» альплагерден (4–8 кишилик топ) «Адырсу» үйүнө чейинки жол 247 маршрутунда сүрөттөлгөн. Үйдөн солго түшүп, Адырсу мөңгүсүнө чыгып, аны кесип өтүп, сол жээк моренага чыгышат. Сол жээк моренанын боюндагы тропаны бойлоп Адырсу чокусунун Түштүк кыркасынын Батыш контрфорсунун түбүнө чыгышат. Бул жерден өйдө карай сол жакты көздөй чоң шагылдуу таштар менен капталган Батыш контрфорстун түбүнөн Кызыл аскалардын алдындагы тегиз жерге чыгышат. Бул жерде баштапкы бивак түзсө болот. Үйдөн 1–1,5 саат жол.

Тегиз жерден чыгып, Массивдүү жандармды сол жактан айланып өтүп, кенен, жантайыңкы, талкаланган, айрым жерлери шагылдашкан жөнөкөй Батыш контрфорстун оң жагы менен өйдө карай көтөрүлүшөт. Чоң жандармды түйүп өтүп, кар баскан шагылдуу жалгагычка түшүшөт. Жалгагычтан оң тарабындагы тик плита менен Адырсу чокусунун Түштүк кыркасындагы Түштүк жандармдын 18–20 метрлик дубалчасына келишет.

Тегиз жерден:

• Кызыл аскалар — 3–3,5 саат.

Түштүк кырка менен Адырсу чокусуна чейинки жол 40 маршрутунда сүрөттөлгөн. Үйдөн чокуга чейин 7–9 саат жол.